"PAG-ISIPAN mong mabuti, hija," ulit ng Ninong Jose ni Paige. Nakipagkasundo ito na matutulungan nito ang kanyang ama kung magpapakasal siya sa anak nitong si Yahir Martini. Ang kinakapatid niyang ubod ng playboy. Tumayo na ito mula sa pagkakaupo. "Babalik kami ni Yahir the next day. Siguro naman ay nakapagdesisyon ka na, hija."
Nginitian at kinindatan pa siya ni Yahir bago umalis ang mga ito.
"Paige, hindi mo na kailangan pang pag-isipan. Hindi ako sang-ayon na ipagkanulo ang kaligayahan mo," anang ama niya.
Binalingan niya ang ama. "Pero, dad. 'Di ba sabi po ni Ninong Jose na once na pumayag ako ay maaari din kayong makapagpatayo ng panibagong negosyo?"
"Marrying Yahir is," napailing ito. "No way, anak. Kung ikakasal ka ay doon sa lalaking mahal mo talaga. I want you to be happy. And
