“Ma'am kailangan ko pong tumigil ngayong sem. Kailangan ko pong maghanapbuhay para matustusan ang pangangailangan namin sa araw-araw. May iniinom pong maintenance na gamot ang Lola at Mamay ko kaya kailangan ko po mag trabaho,” diretsong paliwanag ni Adeline sa principal ng university na pinapasukan niya.
Napahilot sa sentido ang principal dahil sa kanyang sinabi. Hindi naman sa hindi acceptable ang kanyang dahilan pero dahil mataas din naman ang mga marka niya kaya nanghihinayang lamang ang principal sa kagustuhan niyang tumigil. Hindi sumagot ang principal bagkus pinoproseso pa ang kanyang dahilan.
“Alam ko pong nanghihinayang kayo sa marka ko pero pamilya ko po ang usapan dito. Kailangan ko po na sustentuhan sila kaya bou na po ang desisyun ko na itigil pansamantala ang pag-aaral ko.
