"Ma, alis na ako."
Mula sa pinagkakaabalahan malapit sa pintuan ay humarap sa'kin si Mama.
"Ang aga pa ah? Pupunta ka na sa orphanage?"
"Opo," maikli kong tugon bago yumuko upang ayusin ang nakalas na sintas ng suot kong sapatos.
"Ngayon na ba sisimulang taniman iyong garden sa likod ng chapel?" tanong niya ulit.
Nang masigurong maayos na ang pagkakatali ng sintas ng sapatos ko ay tumayo na ako at hinarap si Mama.
"Si Papa po?" tanong ko matapos tumango bilang sagot sa nauna niyang tanong.
"Naunang umalis dahil sinamahan ang Kuya Gab mo. May aasikasuhin sila."
"Sige, Ma, mauna na po ako," paalam ko ulit sabay halik sa pisngi niya.
"Wala ka bang nakalimutan?" makahulugan niyang tanong.
Napahinto ako sa akmang pagpihit paalis at naguguluhang napatitig sa kanyang mukha.
"Paano iyon
