ELIAS
Ika nga nila, huwag magsalita ng tapos. Lahat ng sinabi ko noon bago ako pumunta sa Hacienda Madrigal, binabawi ko na. Lahat iyon tuluyang nasira ni Addie. Tuluyan n'yang binago ang pananaw ko pagdating sa isang relasyon. At tuluyang binuhay ang isang emosyon na kinalimutan ko para sa isang babae.
Kung ano man ang nararamdaman ko noon sa dating kong nobya, mababa lang ito kumpara sa kung ano ang nararamdaman ko kay Addie; na habang lumilipas ang araw na magkasasama kami at makilala ang isa't isa lalong lumalalim ang nararamdaman ko.
Noon sinasabi ko hindi ako hahalik sa isang babae kung hindi ko pa sya nobya o mahal ko s'ya pero pagdating kay Addie tuluyang nalusaw ang paninindigan ko na ito. Kanina hindi ko s'ya mapigilang halikan dahil sa matinding pagnanasa ko sa kanya. At hi
