ADELINE
"Bibang, dumating na ba si Papa?"
Napatango ito. "Opo, Ate. Nasa library kasama si Gaston... este si Mr. Richard pala."
Yup, sa kanila ko nakukuha ang pangalan na Gaston. Paanu kapag nagbubulungan sila ng malakas. Iniiba nila ang pangalan ng kinaiinisan nila para hindi halata.
Napangisi ako. "Kayo talaga. Bumagyo na naman ba ngayon dahil narito si Gaston?"
" Tudo porma, ate. Kung maglakad pa yan sa likuran ni Sir parang ganza na ang haba ng leeg at handang manuka," sabat naman ni Mayang.
Natawa naman kami ni Bibang sa description niya kay Richard. Ibang klase talaga itong babae na ito. Pwede namang sabihin na ang yabang ni Richard eh.
"Hayaan mo na, Mayang. Hanggang dyan lang naman s'ya. Ni sa panaginip hindi ko s'ya pangarapin na maging asawa."
" Eh si Kuya Elias kaya?"
