Chapter XIII
***
Hinila ako ni Ryuu sa rooftop pagkatapos niya ako makita sa faculty kanina. Hindi ko alam kung paano niya nalaman na nasa faculty ako pero malaki ang pasasalamat ko dahil nakita niya ako roon kung hindi ay hindi ko alam ang gagawin ko. Baka siguro ay napahamak na ako ngayon.
Ang takot na nangibabaw sa akin kanina ay nandito pa rin hanggang ngayon. Ilang beses na ako kamuntikan mapahamak sa labas pero hindi ko akalain na hanggang sa loob ng eskwelahan na pinapasukan ko ay mapapahamak pa ako at isang professor pa talaga ang dahilan.
Halos maiyak nga ako nang madala na ako ni Ryuu dito sa rooftop dahil sa nangyari kanina. Hindi ko magawang makakilos dahil sa takot. Kahit nga pagtakbo mula kay Mr. Dimaranan ay hindi ko nagawa dahil hindi ko akalain na may ganoon palang
