Naging mapagmatyag ang mga mata ni Avril sa loob ng simbahan, lalo na nang tahimik na umiyak si Asher buong seremonya dahil sa wala ang kanyang nobyo na kanyang kapareha. Naiintindihan niya ito, nauunawaan niya ang nararamdaman nito. Marahil ay nasasaktan siya dahil sa ginawa ni Andrius, ganunpaman ay wala pa rin siyang karapatan na magsalita laban sa binata. Hindi niya alam ang tunay na dahilan kung kaya naman minabuti na lang niyang maging tahimik at i-alo ang kanyang kaibigan sa abot ng kanyang makakaya. Iyon lang ang kaya niya.
“Baka naman mas mahalaga talaga ang business meeting na iyon, Asher.” mahinang sambit niyang hinawakan ito sa kanyang kanang braso, nasa labas na sila ng simbahan at picture taking na lang ang kailangan at magtutungo na sila sa reception. Tirik na rin ang a
