Matapos nilang kumaing dalawa ay si Mico na ang naghugas ng plato sa ayaw at sa gusto ni Avril. Hindi siya nito pinakilos na kahit na anong tutol ng dalaga ay hindi pa rin siya nanalo sa binata. Ang tanging nagawa ni Avril ay ang tulungan na lang ito sa mga munting bagay doon kagaya na lang ng pagtatago ng ibang mga pagkain na hindi nila nagawang ubusing dalawa. At ang pagpunas sa munting basa at kalat sa lamesa at pagkatapos noon ay wala na, tapos na.
“Hindi ka pa ba uuwi?” hindi na nakatiis ay tanong ni Avril habang inilalagay sa fridge ang huling batch ng mga pagkaing natira, inilagay niya iyon sa tupperware at tinakpan niya upang bukas ay pwede pang initin at kainin niya. “Patuloy na lumalalim pa ang gabi, Mico.” dagdag pa ng dalaga sa litanya niya habang panaka-naka ang kanyang su
