Ilang paalam pa at yakapan ang ginawa ng magkasintahan bago tuluyan na silang sumakay ng kanilang mga bukas na sasakyan na nakaparada sa harapan mismo ng bahay nina Avril. Sa mga sandaling iyon ay para bang ayaw pa ng dalawang maghiwalay, dangan lang at pareho silang mayroong pupuntahan. Kung wala ay malamang, nungkang mapaghiwalay pa silang dalawa. Tahimik na nakatayo lang sa may pintuan ng bahay nila ang mag-asawang pinagmamasdan ang pag-alis ni Avril at Mico. Hindi na maitago sa kanilang mga mata ang kumikinang na saya habang nakatingin sa kanilang dalawa. Nakikinita sa dalawa ang kabataan nila noon. Noong panahong bago pa lamang din sila sa relasyon na pinanghahawakan nila hanggang sa mga oras na ito ngayon.
"Ibang-iba ang saya sa mga mata ni Avril, ngayon, Darling." komento ng ama ng
