Isang mahigpit na yakap ang ibinigay ni Avril kay Mico, madaling araw ng Lunes habang inihahatid na ito sa harapan ng kanyang nakaparadang sasakyan. Makapal pa ang hamog ng mga oras na iyon, ngunit hindi niya alintana ang lamig na nanunuot pa sa balat. Ilang beses pang bumuntong-hininga si Avril, bumibigat ang kanyang pakiramdam ngayon na nais na sanang sumama sa nobyo niya paluwas ng city. Iyon nga lang ay hindi naman iyon pwede dahil may mga bagay pa siyang kailangang ayusin sa poultry nila.
"Mag-iingat ka sa iyong pagmamaneho, baka naman mamaya ay hatawin mo na naman patungong city kagaya ng ginawa mo habang patungo ka dito." sermon ni Avril habang yakap pa rin nang mahigpit ang kanyang nobyo, "Sinasabi ko sa'yo Mico, ang hirap gumalaw kapag naaksidente ka at nalumpo. Ikaw din ang man
