Isang linggo ang matulin at nagmamadaling lumipas. Kasabay ng pagpla-plano at usapan nilang dalawa ni Mico ng kanilang magiging kasal ay naganap ang unang family dinner ng kanilang pamilya. Nangyari iyon Friday ng gabi.
"Kailan niyo nga ulit planong magpakasal?" tanong ng ina ni Mico na panaka-naka ang sulyap sa kanilang dalawa. Mababanaag ang disgusto sa kanyang mga mata hindi man niya iyon tahasang sabihin sa kanilang dalawa.
Nasa isang fine dining restaurant sila na ang ina mismo ni Mico ang naghanap kagaya ng ipinangako niya noon kapag nag-dinner sila. Magkatabing nakaupo si Mico at Avril, habang kaharap na nila ang kanilang mga magulang.
"Next month, Mom." walang gatol na tugon ng binata sa kanyang ina.
Next month ang napag-usapan nilang kasal na dalawa dahil kakailanganin din nil
