SEVEN
DIAMOND…
Hindi na siya nakapasok pa sa trabaho niya ng kinalunesan. Itinawag na kasi ng lola ni Ethan sa boss niya na mag-aayos siya ng mga kailangan para sa kasal nila ni Ethan.
Nagulat pa nga ang boss niya sa nalaman nito na ikakasal na siya.
Alam lang ng mga ito na may sumusundo sundo sa kanya o kaya naman ay nakikita ng mga ito si Ethan na kasama niya. Pero hindi naman alam ng mga ito na may relasyon sila. Dahil wala naman nagtatanong, hindi katulad sa may condo niya na talaga ang alam ng mga kabit-unit niya ay nobyo niya si Ethan.
Hirap namang sabihin sa mga ito na bakla si Ethan at bestfriend lang sila. Ayaw kasi ni Ethan na ipangalandakan na bading ito kaya siya at ang pinsan niyang si Jessie lang ang nakakaalam. Kaya ang iba talaga ang iniisip boyfriend niya si Ethan
