“A-ano'ng ibig mong sabihin na hindi na gugustuhing lumabas ni Zyair?”
Hindi sumagot si Derron, basta na lang niya hinablot ang braso ko at hinila ako palabas ng restaurant, buong lakas naman akong nagpumiglas pero wala akong laban sa panghihila niya. Basta na lang ako nitong ipinasok sa kotse at marahas na isinara 'yon.
Naikuyom ko na lang ang kamao ko at hindi na lang lumaban. Napakagat ako sa ibabang labi ko nang sumakay rin siya sa kotse at agad na pinaandar 'yon.
Tumahimik na lang ako at hindi nagsalita. Nanginginig ang mga kamay ko, kung nasa normal na sitwasyon ako, matutuwa ako na lumabas si Derron pero hindi ko alam kung bakit hindi ako makaramdam ng tuwa ngayon.
Naiisip ko si Zyair, nasaktan ko si Zyair.
Natigilan na lang ako nang hawakan ni Derron ang palapulsuhan ko at hi
