“Zyair, tingnan mo, ang ganda ng simbahan na 'to, maganda bang magpakasal dito?”
Ipinakita ko kay Zyair ang picture ng simbahan sa Cebu na nakita ko sa internet. Bumagsak ang balikat ko nang hindi man lang niya 'yon binalingan ng tingin at tinuloy lang ang pagt-type sa laptop niya.
“Zyair!”
Napapitlag siya nang sumigaw na ako. Nagtatakang napatingin siya sa 'kin.
“Hmm? Ano ulit 'yon?” tanong niya pa.
Naiinis na napairap na lang ako at umalis sa pagkakaupo sa table niya. Nandito na naman siya sa office niya rito sa bahay. Gabi na nga siya palagi nauwi tapos kapag uuwi naman siya nakatutok lang siya sa laptop niya at nagta-trabaho pa rin.
Simula nang bitiwan niya ang Lemaire Corporate Group at kayamanan ng mga Alfero, naging mas masipag siya sa trabaho. Sa ngayon at nagtatrabaho siyan
