Lumabas siya sa silid ng Prinsesa. Nakangiti siya at hindi mapigilan ang labis na saya na kaniyang nararamdaman ngayon. Ngayon niya lang naramdaman ang ganitong saya sa buhay niya. At dahil iyon kay Samantha.
Hindi maalis ang ngiti sa kaniyang labi habang tinatahak ang pasilyo papunta sa kaniyang silid. Pumasok siya roon at hindi inaasahan na makita ang kanyang Tiyo Axael.
Nakangiti ito habang naka-de-kwatro na nakatingin sa kaniya.
“Tiyo, narito ka pala. Kanina ka pa ba?” tanong ni Brix at napatingin naman si Axael sa kaniyang relong pambisig.
Mag pa-pasado ala-una na kasi ng madaling araw.
“Inumaga ka na ata? at iyang ngiti mo, parang kaunti na lang ay mapupunit na ang pisngi mo,”
biro pa ni Axael sa kaniya.
Nilapitan niya ito at tinapik naman ang likod niya. Kinuha nito ang
