Nagkatinginan si Brix at Sam habang inilalabas ng isa sa mga tagapangalaga ang Dalawang kabayo sa kwadra. Naalala nila ang mga naganap sa kanila sa lugar na ito ng unang gabi nila rito. Ngayon ay nanghiram sila ng mga kabayo na gagamitin nila sa pagroronda sa nasasakupan ng tribo.
Abala ang halos lahat na pagbabantay sa loob ng lugar kung nasaan sila ngayon, kaya naman sila na lang dalawa ang nagpresinta na mag-bantay sa labas ng Tribo.
Hinaplos ni Brix ang balahibo ng itim na kabayo na ibinigay sa kaniya ng taga-bantay. Ganoon din si Sam sa kabayo na puti na may kaunting kulay kayumanggi. Kailangan muna nila na paamuhin ang mga iyon para masiguro na hindi sila masaktan kapag sinakyan nila iyon.
Hindi ito ang unang beses na sumakay sila sa kabayo. Dahil sa palasyo, ay kasama sa kanil
