Kanina pa siya tahimik, pinagmamasdan ang kaniyang mga magulang na kausap ang kaniyang Tiyo Axael, nasa isang lamesa lamang sila at nasa harapan niya si Brix.
Tanging ngiti at pagtango lamang ang isinusukli nito sa masayang usapan ng mga matatanda. Kagaya niya na hindi naman sa usapan ng mga ito ang pansin niya. Kundi sa binata na nasa tapat niya.
Tinitignan niya ito, hinihintay na magtama ang mga tingin nila. Ngunit mukhang iniiwasan iyon ni Brix. Sinasadya nito na hindi tumingin sa kaniya at tila magpanggap talaga na kaswal lang ang namamagitan sa kanila.
Maaaring umiiwas dahil ayaw rin magpadala sa damdamin nila.
Ang hirap sa lagay ni Sam ang kanilang pagtatago sa totoong namamagitan sa kanila. Sa bagay na maaring umpisahan pa lamang nila. Sa kasalanan na maaring maging dahilan n
