"Ako sanay sa hirap, eh sila? sa away pa lang nila sa pamilya eh parang may allergy sa kahirapan mga kamaganak nila eh. Nakakainis pa sa kanya isinisisi lahat." ani ni Hestia sa kanyang ina habang kausap ito sa telepono. Saglit pa syang mapatingin kay Raven na nakaupo sa may sala at kanina pa nakatingin sa laptop nito. Kanina pa iling nang iling at napapasapo sa mukha dulot ng problema sa kumpanya.
"So wala na talaga kayong pera?" tanong naman ng kanyang nanay kaya napasimangot siya.
"Na-freeze lang yung pera namin, Nay."
"Na-freeze? bakit hindi tunawin ang yelo? saan ba naka-imbak ang pera niyo? sa north pole?" tanong nito at napailing na lamang si Hestia.
"Hindi niyelo, Nay. Na-freeze, term yon sa banko kung saan temporary na naka-hold ang mga pera namin. Ibig sabihin hindi namin
