"SAYA NATIN, PAPS, AH!"
Napalis ang malapad na ngiting kanina pa nakapaskil sa mga labi ko dahil sa pamumuna ni Casper. Bumaling ako rito at sinamaan ito ng tingin.
Napapailing naman na tinawanan lang ako nito.
"Sabi ko na nga ba, at si Isla lang ang makapagpapabago ng isip mo, eh." Ani naman ni Ash, na kalalabas lang mula sa kusina.
Matalim din ang mga matang sinundan ko ito ng tingin.
Umuusok pa at umaalingasaw ang bango ng sizzling sisig na tangan ng isang kamay nito. Maingat nito iyong ibinaba sa mesa, sa harapan namin, na kaagad namang sinunggaban ni Clay.
"Sarap sana," Puri nito, matapos matikman. "Kulang lang sa sibuyas."
"Tangna, ang mahal kaya ng sibuyas!" Balik naman ni Ash dito. "Kalahati lang nilagay ko riyan. Dinagdagan ko na lang ng onion powder, para lumasa."
"Kaya p
