KAHIT KA KUMPIRMADO ko na kanina pa, hindi ko pa rin napigilan ang paghagulgol sa sinabi na iyon ng doktora.
Si Dos ay hindi kaagad nakahuma sa narinig. Kung hindi pa ako patalong yumakap dito ay hindi pa ito kikilos, mula sa pagkakatuod sa harapan ko.
Naramdaman ko rin ang mahigpit na pag-ikot ng mga bisig nito sa katawan ko. Isinubsob nito ang mukha sa balikat ko, at doon ay hindi na rin pinigilan ang pag-agos ng mga luha.
"Fvck. I've never been so happy, in my entire life, Angel!" Narinig ko pang bulalas nito. Nanginginig ang tinig. "I wanna say sorry to Thirdy, pero kahit noong malaman ko na positive ang result ng DNA test, hindi pa rin ganitong kasaya ang naramdaman ko. Parang nagigiba ang dibdib ko sa sobrang saya!"
Sa isang saglit ay parang nais kong masaktan para sa anak ko, da
