"BAKIT GANYAN ANG SUOT MO?"
Lihim akong napangiwi nang lumapit pa si Dos sa akin, at hagurin ako ng tingin, mula ulo hanggang paa.
Kitang-kita ko ang disgusto na nakaguhit mga mata nito.
Nakagat ko ang pang-ibaba kong labi at hiyang-hiya sa sarili na nagyuko ng ulo. Hindi ko tuloy ngayon alam kung papaano kong tatakpan ang katawan ko.
"S-sorry."
Sabi ko na nga ba kay Coleen, at hindi ko kayang dalhin ang mga ganitong klase ng kasuotan.
Mabilis naman ding nakalapit ang dalaga sa aming dalawa ni Dos, saka masama ang tinging mahinang hinampas pa ang lalaki sa braso.
"Ano naman ang masama sa suot niya? We're at the beach, hello? Ano ang gusto mo, mag-pantalon at blouse ang girlfriend mo?" Mataray pa nitong sita sa lalaki.
Nagtagis ang mga bagang ni Dos. Masama pa rin ang tingin sa suot
