MAAGA PA LANG AY nasa Dela Vega Doctors na kami. Ito ang ospital kung saan diumano nagpa-schedule ang sekretarya ni Dos ng pre-natal check up, para sa akin.
Kilala raw ang ospital na ito sa mga magagaling na mga doktor at surgeons, hindi lang dito sa Metro Manila, kung hindi maging sa iba't ibang panig din ng bansa.
Hmm... mukha naman.
Sa hitsura pa lang ng ospital, ay mukha namang hindi ito kukuha ng mga babastahin lang na mga medical practioner.
Sa labas pa lang, kung titingnan ito, ay makikita nang first class ang nasabing ospital. Saksakan ito ng linis at bango. Hindi amoy alcohol, o antibiotic, katulad ng sa iba.
Ni hindi nga rin amoy fabric conditioner, na tulad ng pangkaraniwang amoy ng lobby ng ibang ospital.
Iba ang amoy ng Dela Vega Doctors. Iisipin mo na nasa isang hotel k
