"AHM, NAISIP KO..." idinantay ko ang isang braso ko sa dibdib ni Dos, saka ipinatong sa ibabaw niyon ang baba ko habang nakatingala rito.
Sandali akong huminto. Lumabi. Ilang saglit na matamang tumingin dito. Nililimi sa isip kung tama bang sabihin ko rito ang nasa isip ko.
Nakahiga naman ang lalaki. Nakapaikot sa katawan ko ang isang braso nito. Ang isa ay nasa ibabaw ng noo nito, at halos tumakip na rin sa mga mata.
Nakapikit ang mga mata nito, ngunit alam kong gising. Panay kasi ang masuyong paghaplos ng isang daliri nito sa balikat ko.
Hindi ito kumibo, pero alam ko, base sa pananahimik nito na naghihintay ito na dugtungan ko ang sinasabi ko.
Huminga muna ako ng malalim bago nagpatuloy.
"Hmmm... mag-pills kaya ako?" Alanganin pa ring dugtong ko, bago pa man magbago ang isip ko, a
