"COME ON, HUWAG MO NA SABING LINISIN 'YAN..."
Napahinga lang ako ng malalim, at hindi pinansin si Dos sa likod ko na nagsalita.
Kalalabas lang nito mula sa kusina, dala ang dalawang tasa ng kape na tinimpla nito para sa aming dalawa.
Alas sais na. Maya-maya lang ay ihahatid na ako nito sa apartment namin ni Arsi, para magbihis at kunin ang mga gamit ko. Sinabi rin nito na hihintayin na ako at siya na rin ang maghahatid sa akin sa school.
Ayoko pa nga sana, at baka may makakita sa amin. Sinamaan lang ako nito ng tingin, kaya hindi na lamang ako kumibo.
Sabagay, okay na rin iyon, para mabilis.
Alas siyete pa ang umpisa ng unang klase ko, mabilis lang naman ang biyahe, lalo nga at ihahatid ako nito, kaya tiyak na aabot pa naman ako.
Gusto pa nga sana nito na magluto, o kahit magpa-deli
