PAGPASOK NAMIN SA mansyon ng mga Montesilva ay mas lalo akong namangha sa ganda at laki nito. Kung maganda at mala-palasyo ang labas, ay mas lalo na ang loob.
Pagbungad pa lamang namin sa malaking sala ay sinalubong na kami ng elaganteng krema at gintong kulay. Kahit saan ka lumingon ay wala kang makikitang simple sa paligid. Lahat ng kasangkapan ay naghuhumiyaw ng karangyaan.
Para kang nasa totoong royal house.
Tila kumikinang ang mga gintong muebles sa tama ng kulay dilaw na ilaw. Lalo lamang niyong nadedepina ang mala-palasyong vibe ng paligid.
Ultimo basahan ng mga ito ay may pinaghalong krema at gintong kulay. At sa isang tingin pa lamang ay alam mo na kaagad na kaya nang magpakain ng isang payak na pamilya ang halaga, sa loob ng isang linggo. Nakakahinayang tuloy na tapakan.
Ngu
