NANG MGA SUMUNOD na araw ay mas naging maayos ang relasyon namin ni Dos.
Nag-usap na kami. At napag-usapan namin, na imbes na iwasan ko siya, para makaiwas kami sa tukso, ay iiwasan na lamang namin ang mapag-isa, kasama ang isa't isa.
Ipinaliwanag ko sa kanya ng maayos ang side ko, at nagpalasalamat ako na naintindihan niya naman.
Mula nang gabing iyon na inabangan niya ako sa uwian at dinala sa condo niya, para makapag-usap, ay hindi na kami muli pang nagpunta roon. Napagkasunduan namin na sa tambayan na lamang kami ng mga ito muling magtuturuan, kapag araw ng Biyernes.
Noong una ay hindi pa ito sang-ayon sa suhestiyon ko na iyon, ngunit napapayag ko rin ito sa bandang huli.
Hindi ko alam kung ano ang alam ng mga kaibigan nito tungkol sa amin, pero mula nang bumalik kami ng tambayan
