"MONTESILVA, ALEJANDRO II."
Hindi ko napigilan ang pagpatak ng luha sa aking mga mata habang pinanonood ko si Dos na naka-toga, at tinatanggap ang kanyang diploma.
Napatayo pa ako, at abot hanggang tainga ang ngiti, sa kabila ng luhaang mga mata.
Humarap ang lalaki, at malapad ang ngiti na nag-bow sa audience katulad ng inensayo nila.
Tila naman awtomatiko, na sa kabila ng dami ng mga tao, ay nahanap ng mga mata nito ang sa akin. Iniangat nito sa ere ang hawak na binilot na papel, na tila ipinakikita iyon sa akin, saka bumulong ng, I love you, sa hangin.
Katulad ko, ay nakangiti rin na pumapalakpak si Coleen sa tabi ko. Tinagtag pa nito ang braso ko, na tila kinilig sa ginawa ng lalaki.
Hindi ko naman maiwasan ang pamulahan ng mga pisngi, lalo na nang lingunin ako ng iba pang mga nag
