MULA SA ISANG TAMBAK NA mga papeles sa harapan ko, ay kunot ang noo na nag-angat ako ng tingin sa direksyon ng pintuan nang makarinig ako ng tatlong mahihinang katok, bago bumukas iyon at bumungad mula roon ang sekretarya ko.
"Ahm, sir...?"
"Yes, Minda?"
Tuluyan nang pumasok ang babae, pagkatapos muling isara ang pintuang pinasukan nito.
Hindi ko naman inaalis ang nagtatanong na tingin ko rito.
"Tumawag po ang teacher ni Thirdy," bungad kaagad ng babae nang humarap muli sa akin.
Iyon pa lang ang sinasabi nito ay napahinga na ako ng malalim.
Ano na naman kaya ang ginawa ng batang 'yon?
Sa loob ng isang buwan ay maswerte na, na hindi ako naipatawag ng teacher nito sa school, dahil mayroon itong ginawang kalokohan.
Napapailing na inilapag ko na ang hawak kong ballpen, na siya kong ga
