"BAKIT BA KASI HINDI KA NA LANG UMUWI SA INYO?" Tanong ko, matapos kong ilapag ang isang mangkok ng umuusok na instant noodles sa harapan ni Dos.
Kaagad na inabot iyon ng lalaki at kumutsara ng kaunti. Bahagya pa itong napangiwi habang hinihigop iyon dahil sa init. Pinalagyan pati nito ang sabaw ng dalawang pirasong sili habang niluluto ko, kaya't sigurado ako na may kagat iyon ng anghang sa dila.
Ang akala ko kagabi na libreng oras ko, ngayong umaga, sapagkat wala nga kaming tutorial session ni Dos, ay hindi nangyari.
Sapagkat alas sais pa lamang kanina, ay tumatawag na ito para papuntahin ako ng maaga rito sa tambayan nila. Ayon dito ay may hang-over daw ito at gustong humigop ng mainit na sabaw, dangan nga lamang at hindi ito marunong magluto.
Sa malas nito, ay wala rin akong alam s
