"Wow, ang ganda naman po ng bahay mo kuya," namamangha na saad ni Shanel.
"Kaya nga ate Sha, ang ganda," wika naman ni Shena.
"Para sa inyo, kaya inayos ko 'to," nakangiting saad ni Lean.
Nilibot ko ang aking paningin sa buong unit ni Lean, ibang-iba na ito kumpara sa dati. Ang pinagsamang kulay ng ginto at puti ay bumagay sa mga palamuti na halatang mga mamahalin.
Pagpasok ko palang kanina dito sa unit ni Lean ay napahanga na ako habang tulak-tulak ko si papa na nakasakay sa wheelchair. Pinaghandaan talaga niya ang araw na ito para sa kanyang pamilya.
Ilang beses na ako nakapasok dito sa condo niya pero parang natural lang na bahay iyon na na walang nakatira na may sala, kwarto at kusina pero madilim. Kumpara sa ngayon na nagmukha na siyang bahay na may nakatira.
"Sa inyo na ito
