LAURA
Matapos kong ipakilala si Hans kay inay at sa aking mga kapatid ay wala ng humpay ang mga katanungan sa kanya. Halos madapa rin sila sa pag-aasikaso sa kanya. Nang malaman nila na magkaibigan lang kami ni Hans ay napansin ko na mas naging malapit ang aking mga kapatid sa kanya.
Pagpasok namin sa loob ay tumabi ako kay itay at si Hans naman ay nakaupo sa mahabang upuan na gawa sa kawayan habang nasa kanyang gilid ang mga kapatid ko.
Hinawakan ni Itay ang aking kamay kaya napatingin ako sa kanya.
"Bakit, itay, may masakit ba sa iyo?"
"Wala naman. Napansin ko lang na mukhang gusto ng inay mo si Hans. Ngayon ko lang siya nakita na nakangiti ng ganoon."
Ngumiti nalang ako ng tipid at hindi na siya sinagot.
"Salamat sa mga dala mong pasalubong, ha?"
"Ah, si Laura po lahat ang bu
