Sa sobrang saya ni Adriela ay natagpuan niya ang sarili na naglilinis ng kuwarto. Ito ang kauna-unahan niyang ginawa buong buhay niya. Inayos niya lang ang unan, kumot at pati na rin ang mga damit ni Mathias na nakakalat sa maliit na aparador. Kahit papano ay marunong siya magtupi kaya naging maaliwalas ang kuwarto.
Lumabas siya ng kuwarto pero doon lang siya sa pinaka-pinto at sinilip niya sa maliliit na butas ng kawayan ang mga kalalakihan sa kubo.
Hindi na bago kay Adriela ang mga kasuotan nila dahil madalas rin siyang laman ng exclusive bar. Pero ang bago lang sa paningin niya ay mga nagsusumigaw nilang kagwapuhan.
Nakaupo si Mathias at may hawak na baso doon sila tumatagay. Sabagay, wala naman ibang gamit si Nanay Lita maliban sa baso at tasa.
Masaya ang mga itong nag-iinuman
