حبال الموت البارت الخامس

784 Words

حبال الموت البارت السابع سلمي كانت مصدومه من كل الي حصل فترة كبيرة لكن حبها لفرح كان كبير كانت بتعاملها زي ما كانت بتعامل بنتنا بالظبط كانت دايمآ تذاكرلها وتعلمها القيم والاخلاق بس كان في حاجه جواها برضوا انها كانت عاوزه تعرفها علي مامتها الحقيقية لكن انا كنت برفض رفض قاطع وفرح مكنش عندها شك ولو واحد فالميه ان سلمي مش مامتها .... وفيوم كانوا قاعدين عالاقل فرح قالت لمامتها انا حلمت حلم غريب اوي.. _ خير يافرح حلمتي ب ايه ... = حلمت ان فيه واحدة ست غريبه جاتلي وقعدت تحضني جامد اوي وانا معرفهاش هي مين دي ممكن تكون مين ياماما _ اوصيفهالي كده يافرح = هي كانت بشرتها قمحاوية وشعرها اسود طويل وعنيها بني غامق وصفتها كأنها بتوصف ميرفت بالظبط فجأه سلمي اتوترت وبصت لشريف بإستغراب كأنها بتقوله شوفت كل حاجه هتطلع فوق دماغنا هنعمل ايه دلوقتي فالمصيبه دي البنت مسيرها تعرف مامتها الحقيقيه... = متحطيش في دماغك ياحبيبة بابا اكيد حلم عادي زي اي حلم _ لا يابابا الست دي مش اول مرة تجيلي فالحلم انا شوفتها مرتين قبل كده اكيد فيه حاجه = ماخلاص بقي يافرح هي سيرة كل شوية هتتكلمي عليها... فرح زعلت ودخلت اوضتها وشريف وسلمي قعدوا يتكلموا شوية _ قولتلك ياشريف انا طول عمري خايفه من اللحظة دي وحاسه انها مسيرها تيجي = قولتلك متخافيش دي محكوم عليها بالسجن المؤبد وحتي لو خرجت مش هتقدر تعمل حاجه _ لا هتقدر والسنين بتعدي بسرعه البنت بقي عندها عشر سنين وبدأت تفهم وفرح ماشاء الله عليها ذكية ولماحة = عوزاني اعمل ايه ياسلمي عوزاني اخودها من ايديها واقولها تعالي ياحبيبتي امك مسجونة وانا والي فكراها امك الي حابسينها هتعمل ايه فنفسها البنت _ والله مانا عارفه يا شريف هنوصل لفين بس انا بصراحه مش متطمنة خالص = اتطمني يا سلمي وانسي الموضوع ده من دماغك خالص ... فجأه الباب خبط وكأن الايام بتتعاد ورجعنا عشر سنين لورا وجه شخص اخر مرة شوفناه من زمن لقينا وائل قدامنا بصينا مصدومين مش مصدقين هو جه ازاي وامتي وراجع ليه وعاوز مننا ايه لقيناه جاي وهو مش عارف يقول ايه واقف عالباب وساكت.. _ وائل!!!!! انت جيت امتي وازاي = انا لسه جاي ياشريف هي ميرفت هنا ياشريف _ ميرفت اتحكم عليها بالسجن المؤبد ياوائل مبقتش موجوده انا طلقتها خلاص والموضوع اتقفل = طيب اقدر اوصلها ازاي _ معرفش حاجه عن الموضوع ده تقدر توصلها بطريقتك لكن انا مليش علاقه بيها انت نسيت انها موتت بنتي فرح... فجأه لقيت فرح فتحت الباب طالعه برة وبتبص علينا بإستغراب وبتسألنا علي وائل _ مين ده يابابا = انا صاحب بابا ياحبيبتي انتي مين بقي انا كنت مسافر وكان بقالي كتير مجتش... _ غريبة ياعمو انا عمري ماشوفتك عندنا انا اسمي فرح... = ماشاء الله انتو جبتو فرح تاني شريف بص لوائل وبرقله عشان يسكت .... وسلمي بقي وشها يصب في عرق لدرجه انها مبقتش عارفه تتكلم ياوائل عاوز تلغبطلي حياتي انا مصدقت استقريت ابعد عني ياوائل انت خربت بيتي انت وميرفت بتاعتك دي وسيبني اعيش في امان وسلام = انا والله مقصدتش انا اسف ياشريف انا جاي عشمان فيك انت صاحب عمري انا اتبهدلت فالغربة اوي وميرفت وحشتني انا نفسي نرجع زي الاول اوي نفسي نتلم انا وانت وميرفت وسلمي وفرح من تاني _ انت اتجننت يا وائل ميرفت دي السبب في موت بنتي دي شيطانه ومستحيل ادخلها بيتي من تاني لو سمحت امشي يا وائل انا مصدقت حياتي استقرت كتابات ل ghadasaeed طبعآ وائل ميعرفش ولا كلمه من الي حصلت بعد ماسافر ولا يعرف ان فرح تبقي بنت شريف و ميرفت لانه سافر من غير مايعرف اي حاجه حصلت ... سابهم وائل ومشي وسلمي قعدت تعيط وتقول ل شريف... _ انا خلاص بنتي كده هتروح مني قولتلك البنت كبرت لازم تعرف كل حاجه هتكرهنا ... هتكرهنا اننا معرفنهاش مين امها الحقيقية .. انا فرح لو راحت مني تاني يا شريف مش هسامحك طول العمر = اهدي يا سلمي وانا مش هستني ان ده يحصل فرح هتفضل في حضننا يلا ندخل ننام دلوقتي عشان ورايا شغل... تاني يوم شريف راح الشغل وسلمي صحيت تحضر الفطار لفرح عشان تصحيها تفطر _ صباح الخير يا فروحه يلا كل ده نوم اصحي عشان نفطر سوا عملتلك الاكل الي بتحبيه = صباح النور ياماما انا مش جعانه انا مبقدرش آكل اول ما بصحي من النوم كده لازم استني شوية _ قومي بقي يافرح متبقيش غلسه = حاضر ياماما.... قامت فرح غسلت وشها وقعدت مع مامتها عالفطار وبدأت تسألها _ ماما هو مين الي جه امبارح ده وبابا خلاني ادخل اوضتي ليه = دا صاحب بابا يافرح من زمان وكان مسافر ولسه جاي _ اصل انا اول مرة اشوفه بصراحه وبعدين كان بيقول كلام غريب كده = طب ايه رأيك ناكل واحنا ساكتين عشان عيب الكلام عالأكل _ حاضر ياماما.. تليفون سلمي رن راحت عشان ترد عليه لقت شريف بيتصل بيها _ الو ايوة ياسلمي = خير يا شريف مال صوتك.. _ وائل ياسلمي = ماله . يتبع

Free reading for new users

Scan code to download app

App Store Google Play

Facebookexpand_more