حبال الموت البارت الثاني

1078 Words

_ استاذ وائل ممكن تسمحلي ب كلمه = خير يادكتور _ حضرتك تاخد التحاليل دي وتتوجه للدكتور بتاعك عشان التحليل مش مطمئنه خالص = ازاي يعني _ هو هيفهمك هناك.... وائل اخد التحاليل و ميرفت وراح للدكتور وكان قلقان.... كتابات ل ghada saeed بس الصدمة ان الدكتور قاله انه مستحيل يخلف لأن عنده مشاكل كتير جدا _ طبعآ يا استاذ وائل كل حاجه ب ايد ربنا بس التحاليل دي بتأكد انك عقيم ومش بتخلف الكلام نزل عليهم زي الصاعقه الاتنين سكتوا مش لاقيين كلام يقولوه ولا يحكووه وروحوا البيت وهما مصدومين سلمي و شريف دخلوا يتطمنوا عليهم عملوا ايه عند الدكتور... _ طمنيني ياميرفت الدكتور قالك ايه = يارتني ما رحت يا سلمي انا مستحيل ابقي ام .... _ ايه انتي بتقولي ايه = والله الدكتور أكدلنا ان وائل مستحيل يخلف ابدآ ... _ اهدي بس ياحبيبتي كل حاجه وليها حل.... = مفيش حل يا سلمي كل الابواب اتقفلت في وشنا..... _ ادعيلي فرح تطلع بالسلامه وهتبقي بنتك وبنتي مش عارفه لو حصلها حاجه هنبقي انا وانتي طول حياتنا في وحده معندناش عيال ..... فات اسبوع وبيت سلمي وميرفت كله حزن محدش عاوز ياكل ولا يشرب وكان اصعب اسبوع عدا عليهم لحد ما المستشفي كلمتهم وقالتلهم ان فرح اتحسنت وتقدر تخرج خلاص من المستشفي..... كانت الفرحه مش سيعاهم وميرفت كانت مع سلمي علي طول في البيت شايلة فرح وفرح كبرت وبقت تقول لميرفت وسلمي ياماما وشريف ووائل يابابا كانت بنت ليهم هما الاتنين لدرجه ان الناس مكنوش بيعرفوا هي بنت مين فيهم .... كبرت فرح ودخلت المدرسة وكانت اكتر الوقت ميرفت الي بتوديها وتجيبها لأن سلمي نزلت تشتغل وتساعد شريف في المصاريف ..... وميرفت بقت قريبه من فرح اكتر من مامتها وطول اليوم كانت قاعدة عندها ومش عايزة تدخل عند مامتها سلمي كانت متدايقه بس مش راضيه تجرح ميرفت وتحسسها انها مش بنتها فا كانت بتسيب فرح براحتها.... لحد ما فيوم شدوا مع بعض فالكلام وفرح قالتلها انا مش بحبك انا بحب ماما ميرفت عشان هي الي بتهتم بيا _ وانا نزلت اشتغل عشانك عشان اجبلك كل الي نفسك فيه ... = انتي عمرك ما حسستيني انك بتحبيني زيها علي طول مشغولة الكلام ضايق سلمي ومنعتها انها تبات عند ميرفت اليوم ده والكلام وصل ل ميرفت وزعلت جدا من سلمي .... لكن سلمي حكيتلها الموضوع وصالحتها..... كبرت فرح وبقي عندها ١٤ سنه والحال زي مهو قاعدة علي طول مع ميرفت وعلي تليفونها..... وفي يوم كالعادة نزلت سلمي الشغل بدري بتنزل قبل شريف لقي الباب بيخبط وفتح اتفاجيء انها ميرفت _ خير يا ميرفت في ايه سلمي نزلت = لا انا كنت بتطمن علي فرح _ فرح نايمه انتي عارفه انها مبتصحاش دلوقتي خالص.. = طب انت مش شايف ان سلمي مقصرة في حقها _ سلمي بتشتغل وتعبانه معايا فالمصاريف = اه بس مهما يكون دي بنتها ولازم تاخد بالها منها _ انتي عاوزه ايه بالظبط = لا انا قولت اتكلم معاك شوية بس _ هو انت اتصلت ب وائل من تليفون سلمي بليل = لا ليه _ اصل لقيتها مكلماه بليل متأخر... = دي اكيد فرح اتصلت من عندها.... _ طيب هدخل انا بقي.... لبس شريف هدومه ونزل الشغل وقعد يفكر في كلام ميرفت هي عاوزة توصل ل ايه بالظبط.. وهو فالشغل لقي ميرفت بتتصل بيه.... _ ازيك يا شريف = الحمد لله _ كنت عايزاك في موضوع كده ممكن نتقابل... = نتقابل فين وازاي... _ ارجوك الموضوع ميستناش... بصراحه الموضوع شغل تفكير شريف ووافق انه يقا**ها من ورا سلمي عشان يعرف فيه ايه و اداها المكان والميعاد ولقاها جية علي غير عادتها حاطه ميكب كامل ولابسه احسن لبس عندها .... _ ايه الي عملاه فنفسك ده يا ميرفت انتي رايحه فرح.... = لأ جايه اقابلك بس _ امال داهنه وشك ليه ب كل ده ... = داهنة!!!! انا طول عمري كده بس انت الي مش ملاحظ... _ وانا هلاحظ ليه اصلا انتي مرات صاحبي يعني مرات اخويا هبصلك ليه انا..... خير كنتي عاوزه ايه عشان انا مستأذن ساعه من الشغل.... = شريف انا من زمان وانا معجبة بشخصيتك وبعجب بيها كل يوم انت غير وائل خالص بشوفك بتتعامل مع سلمي ازاي والغيرة قتلاني ومش قادرة ابين .... احنا ليه انكتب علينا نعيش مع اتنين مش بيخلفوا انا نفسي ابقي ام هو اه فعلا فرح بتحبني اكتر ما بتحب سلمي لكن انا نفسي يبقي ليا طفل مني انا .... _ طيب انتي واحده عندك مشكله مع جوزك حليها مع نفسك انتي جيباني هنا عاوزه توصلي ل ايه بالظبط وبعدين بتجيبي سيرة سلمي صاحبتك الي بتحبك وبتتكلم عنك بكل خير انتي بني ادمة مريضه حقيقي.... وامشي من هنا بقي عشان متصلش ب جوزك اقوله .... = طيب انا ماشية بس قبل ما امشي عاوزه اقولك تخلي بالك من تصرفات مراتك عشان انا اعرف عنها بلاوي ومش هقولك هسيبك تكتشف لوحدك.... _ امشي من وشي يا حقودة بتكرهي صاحبتك .... وسابها ومشي وكان بيفكر ازاي ميرفت بالقلب الاسود و الكره ده ازاي هي بتحقد علي سلمي وسلمي بتحبها اكتر واحده فالدنيا ..... كتابات ل ghada saeed سلمي كانت راجعه من شغلها اول ما دخلت لقت فرح قاعدة عالتليفون ومندمجه اوي .... _ بتعملي ايه يافروحه.... بتبصلها ومش بترد.... هاتي كده التليفون ده فرح قفلت بسرعه الي كانت مشغلاه وقالتلها... = انا بلعب هكون بعمل ايه هو انتي فاضيه اصلا تقعدي معايا ولا تتكلمي انتي علي طول يا فالشغل يا ماسكه التليفون تخلصي باقي الشغل _ مهو كل ده عشانك عشان اقدر اجيبلك كل الي نفسك فيه... سابتها ودخلت اوضتها وقفلت علي نفسها فالوقت ده شريف رجع مالشغل.... _ حمدالله علي السلامه ياحبيبي... = مالك ياسلمي شكلك متدايق ليه _ مفيش اصل فرح...... وحكيتله علي كل الي حصل = انتي فعلا لازم تفضي نفسك للبنت ياسلمي كده مين يخلي باله منها _ مهي ميرفت ربنا يخليهالي بتقعد معايا طول اليوم = سلمي ميرفت مش مامتها عشان تقعد معاها انتي لازم تسيبي الشغل _ في ايه ياشريف انت عمرك ما قولتلي كده وسلمي طول عمرها بتقول ل ميرفت ياماما ايه الي حصل = الي عندي قولته انتي هتسيبي الشغل وسابها ودخل يغير هدومه فالشقه التانيه كيرفت كانت لسه جايه من برة وجوزها رجع مالقيهاش فالبيت _ اهلا اهلا كنتي فين ياست هانم = ست هانم !!! كنت بشم هوا مخنوقه ومفيش حاجه اشغل بيها وقتي مانت عارف لا فيه شغل ولا حتي طفل ابقي مشغوله بيه _ انتي بتعايريني بقي عشان مش بخلف وبعدين ايه الي لبساه وحطاه في وشك ده انتي فاكره نفسك صغيرة ... = انتي مش حرة انتي واحده متجوزه وقبل متنزلي تستأذني من جوزك وراح ضاربها بالقلم... _ انت بتض*بني بدل متروح تتنيل وتتعالج ولا تسافر برة تشوف حل = مش عاجبك غوري اتجوزي قوليلي انك مش عوزاني وهطلقك من بكرة لو تحبي.. فجأه وهما بيتخانقوا سمعوا صويط فالعمارة والشارع كله اتلم وكانت اكبر مصيبه حصلت فالمكان ....

Free reading for new users

Scan code to download app

App Store Google Play

Facebookexpand_more