Irah Marie’s POV
“Ate kapag laki ko gusto kong maging doctor. Para kapag may sakit ka... ako ang mag-aalaga sa’yo. Tapos bibilhan kita ng mansyon, pati car. Tapos bibilhan kita ng maraming damit.”
“Wow, ang sweet naman ng bunso ko.” Masayang sabi ko na ginulo pa ang buhok ng kapatid ko.
“I love you, Ate.”
“I love you more, bunso.”
“Noahhh!” Halos hindi na ako makahinga. Iniisip ko na panaginip lang ang lahat. Hindi ako makapaniwala na malamig na bangkay ko na makikita ang kapatid ko. “Hindi ba sabi mo gagamutin mo ako kapag magkakasakit ako? na magiging doctor ka?” Patuloy ang pag-agos ng masagana kong luha. Buhay na buhay si Noah at nakangiti pa habang inaalala ko nang buhay pa ito at sinasabi ang mga pangarap niya sa akin.
“Ate!” Naramdaman ko na inaalo ako ni Clara at Janna. Huma
