CHAPTER 17
Nang pauwi na siya ay nagdesisyon siyang tawagan si Eagle, ang katagpo niya kinabukasan.
“Oh, mabuti naman at buhay ka pa,” iyon agad ang bungad ni Eagle sa kanya.
“Change plan tayo.”
“Plan saan?”
“Yung para bukas.”
“Bakit? Ayaw mo ng pera?”
“Sir, mukhang may nakatunog.”
“Paano mo alam?”
“Basta,” hindi niya maaring sabihin ang tungkol kay Clint, “Nasabi lang sa akin na may nakatunog.”
“E bukod sa’yo, si Cess lang din naman ang nakakaalam sa pagkikita natin bukas ah. Magsabi ka nga sa akin, paano mo alam na may nakatunog?”
“Wala ka bang tiwala sa akin sir? Basta sinabi kong may nakatunog, sigurado ‘yon.”
“Baka naman si Cess ang naglabas ne’to. Hirap talaga magtiwala sa bibig ng mga babae.”
“Si Cess lang baa ng nasa loob na pwede magbigay sa akin ng impormasyon?”
