CHAPTER 20
Nang makumpirma niya kay Tom na si Errol ang pumatay sa kanyang ama ay inutusan niya ang kanyang mga tao na magbantay sa labas. Ibinilin niyang papasukin naman sa loob sina Morales, Ancheta at Santiago na siyang pinaiwan niya sa labas kanina pagpasok niya sa interrogation house para magbantay.
Si Eagle naman ang isusunod niyang imbestigahan at kailangan niya ang tulong ng mga pinatawag niya bilang sila ang pinagkakatiwalaan niya sa ngayon.
Bago niya papag-aaralan kung paano niya mahuhuli at maipakukulong si Errol ay kailangan niya munang malaman kung sino ang namumuno sa sindikatong binabangga niya.
Sa kabilang kwarto ay pinuntahan naman niya si Eagle. Kung hindi niya mapakanta si Tom kung sino ang lider, gagawin niya ang lahat para umam
