CHAPTER 21
Tumungo si Errol sa sementeryo kung saan naghihintay ang kanyang mga kasama. Dala niya ang ilang kakailangan niya sa pakikipagsagupa. Hindi niya alam kung ano ang kahihinatnan nitong paghaharap nilang ito ni Clint. Kinakabahan pa din siya dahil dalawa lang ang mangyayari sa kanila ni Clint- ang mapatay nila ang isa’t isa o mamatay silang dalawa.
Nakatanggap siya ng tawag kay Santiago nang malapit na siya sa sementeryo.
“Mabuti talaga nakaalis ka na sa inyo. Mabilis ka talagang mag-isip, Black Mamba.”
“Alam ko na kasing mangyayari ‘yan. Asan na kayo?” tanong niya.
“Nasa bahay na kami ni Eagle. Mukhang seryoso si De Jesus na lipulin tayo. Sana wala siyang makita dito na ebidensiya laban sa atin.”
“Hindi mo ba kayang tapusin na lang ‘yan diy
