Nanigas ang katawan ko nang marinig ko ang tanong ni Goro. Dumidiin ang pagkakahawak niya sa akin katulad sa madiin na pagtitig niya sa mga mata ko. Unti-unti ng lumalagkit ang pawis sa mukha ko.
Hindi ko inasahan na may makakahalata sa itinatago kong sikreto. Hindi ko alam kung ano ang gagawin ko. Sa gilid ng mata ko ay nakita ko si Garran. Naramdaman niya ang tensyon sa pagitan namin ni Goro. Hindi ko alam kung nakikita ba kami ni Lolo Pablo. Wala siya sa paningin ko.
Nang akma na akong sasagot para ikaila ang sagot na gustong malaman ni Goro. Bigla na lamang may humawak sa kamay niya. Maliit ang kamay na iyon na siyang nilingon ko.
"Pinuno, mukhang nagkakasiyahan na kayo rito ah." Nagulat ako ssa pagtingin ko sa nagsalita.
Siya ang batang lalaki na nakita ko sa templo.
