Sa isang maliit na barrio ako nakarating. Ito na nga ang Talila. Karaniwan lang ang itsura ng lugar na pawang pagsasaka ang ikinabubuhay ng mga nakatira rito. Sa kalagitnaan ng paglalakad ko sa masukal na gubat ay nag init ang espada. Hinawakan ko iyon pero hindi ako napunta sa dilim, tanging narinig ko lang ang boses ni Ar’arus.
“Bilisan mo! Lumalayo na sila!”
Para akong manika na sumunod sa kanya. Tumakbo ako pasulong kahit hindi ko pa nakikita ang bahay na pupuntahan ko ay nararamdaman kong malapit na ako. Painit nang painit ang espada. Hanggang sa hindi kalayuan ay nakita ko ang isang bahay. Marami ng sira iyon at kung titignan ay parang walang taong titira sa estado ng bahay.
Nawala ang init ng espada. Hindi ko na rin maramdaman si Ar’arus.
Nang humakbang akong muli papalapit sa b
