-Geraldine POV-
Kinakabahan na naman ako nang lumapit sa akin si Kuya Dante at walang-sabing maingat akong kinargang muli sa mga matipuno nitong mga bisig.
Maagap namang napahawak ako sa leeg nito, ni hindi makatingin sa mga mata nito dahil natatakot na salubungin ang nakamàmàtay nitong titig.
Abot-abot ang mabilis na pagtibok ng aking puso dahil sa matinding kaba. Natatakot ako kapag nagagalit ito. Matatanggap ko lahat ang mga pang-iinsulto nito sa akin, basta hayaan lang ako nitong makapiling sina Tita Thalia at Tito Diego.
Mayamaya ay pumasok ang magandang doktora. Hindi nakaligtas sa aking paningin ang kakaibang tingin na ipinukol ni Kuya Dante sa naturang doktora. Malakas ang kutob ko na isa ito sa mga ka-flings ni Kuya Dante.
Nanatiling tahimik lang ako habang in-examine ng maga
