Isang hapon ng taping nila at ito ang magiging last scene para sa araw na iyon. Ngunit parang hinahalukay ang tiyan ni Elvina habang tumatakbo ang eksena. Bakit? Dahil sa pamilyar na eksena.
But Ardis is a professional. Hindi niya hahayaang muling maulit ang nangyari noong isang linggo kung saan ay nagpadala siya sa bugso ng damdamin at nasampal ang co-actor na si Shaina Magdayao.
Kung si Elvina ay mahina at naapak-apakan noon, hindi si Ardis. Si Ardis ay isang sikat na artista, kaya na niya bilhin lahat at kahit na tao pa. Kaya na niyang paikutin ang sino man sa kaniyang palad.
"May pag-asa pa tayo, anak. Hindi namin hahayaan ng Papang mo na makulong ka."
Mula sa pagkakatulala ay nag-angat ng tingin si Hanna, ang karakter na ginagampanan ni Elvina. Ang mga mata niya ay tila wala n
