Umagang-umaga ay mainit pa sa naglalagablab na uling ang ulo ni Ardis kaya naman lahat ay ilag at hangga't maaari ay hindi gustong pumunta sa opisina nito. Lahat ng taong makita at makausap ay nakasinghal siya.
"Where is Meg? Where the hell is my personal assistant?!" iritableng tanong niya sa kaniyang Manager. "Kung ginagawa niya sana ang trabaho niya at hindi alis nang alis ay hindi sana ako malalagay ngayon sa alanganing sitwasyon! Now, what? Reporters are calling and pestering me!"
"Iyon nga ang pinunta ko rito sa opisina mo at alam kong magkakaganiyan ka."
"Well?" inip niyang tanong habang nakakunot ang noo. Hindi nakatulong na sumasabay din ang mood swings niya.
"Nagpaalam siya kahapon sa akin, noong oras mismo ng taping mo. Nakatanggap daw kasi siya ng tawag mula sa bahay ni
