TADDIAH's POV
(Tads)
KAPAPASOK ko lang sa gusaling pinagtatrabahuan nina Jervice at Yuji. 'Yon ang project nilang dalawa kaya narito sila upang inspeksyunin ang lahat. Inalalayan ako niyong isang trabahador upang maka-akyat ng hagdan.
Nakangiti akong lumapit sa kanilang dalawa. Mayamaya pa ay nahinto sila sa pagdidiskusyon nang makita ako. Nakakunot-noong sinalubong ako ng tingin ni Vice, hindi nito gusto na nagpupupunta ako sa mga ganitong lugar dahil baka raw mapano pa 'ko.
"I told you na h'wag ka nang sumunod dito dahil delikado," seryosong aniya na mas lalo kong ikinangiti.
Nakipag-fist bump naman ako kay Yuji nang makalapit ako sa kanila.
"Nariyan na naman si protective boyfriend as ever..." pagpaparinig ni Yuji. Nagkatinginan kaming dalawa kaya pasimple naming tin
