PINAGMAMASDAN ko ang kabuuan ng aming bahay nang makalabas ako sa sinasakyan ko. Sa wakas ay naka-uwi na rin. Gagamitin ko ang mga oras ko para sa sarili ko at lalong-lalo na sa pamilya ko.
Nakapagdesisyon na akong hindi muna ipapaalam sa kanila ang nalaman ko, ang nangyari kanina. Mas lalo silang mag-aalala sa akin. Gusto ko ay harapin ko ito ng buong lakas ko, nang hindi dumedepende sa kanila. Alam kong matatapos din ang lahat ng ito basta malaman ko lang ang katotohanan.
“Hindi ka ba papasok? Mauna na ako,” sambit ni Azenzo at naunang pumasok sa loob ng pinto.
Sumunod na rin ako sa kanya. Pagpasok namin sa bahay ay nadatnan kong nagkakatuwaan sina mama, Clynt at Dana sa sala. Nagkalat ang mga album sa mesa at tila tinitingnan nila iyong mga larawang nakalagay roon.
Napahinto na la
