Hinayaan kong lumipas ang gabi ng wala ng ibang sinasabi. Sapat na iyong narinig ko mula sa maid. Bagama't hindi ako mapalagay habang iniisip na maaari ngang stress sa trabaho niya si Israel. Nadadamay lamang ako sa init ng kanyang ulo. Baka sobrang pressure rin ang binibigay sa kanya ng tiyuhin niya na magdesisyon na doon sa pwesto na nais nitong kunin niya sa darating na election. Hindi ko alam. Hindi ko kasi siya makausap ng matino. Alam kong may mabuting puso si Israel, kaya imposible rin na awayin niya ako ng dahil lang sa mababaw na dahilang iyon. Kailangang makuha ko ang side niya. Ayokong mas lumawig pa ang away naming mag-asawa.
“Hindi ka pa po ba aakyat sa silid ni Lilo?”
Napapitlag ako nang marinig ang boses ng Yaya ni Lilo. Hindi ko namalayan ang ginawa niyang paglapit sa aki
