Lumipad ang aking mga mata sa daliri na may suot na singsing. Itinaas ko pa iyon at ilang segundo na sinipat-sipat na parang ngayon ko lang na-realize na suot nga ito. Tama nga naman siya. Dahil sa ring na ito ay paniguradong ako pa rin ang iisipin ni Israel na asawa niya kahit na nasa harapan niya na ang tunay na Eloise. Maliban na lamang kung mayroong malalim na koneksyon silang dalawa sa kanilang pagkatao. Iyong tipong kapag nagkatitigan sila ay kusang titibok ang nagmamahalan nilang mga puso. Kaso ay mukhang walang ganun sa parte ni Eloise.
“Sa tingin mo, hindi ko ito kayang hubarin—”
Akmang tatanggalin ko na iyon nang matigilan ako sa salita ng paghahamon na binitawan niya.
“Fine. Give it a shot. Tingnan natin kung may mangyayari nga bang himala sa kahilingan mo.”
Anong ibig niyan
