CHAPTER 17 - Mall
"DERETSO uwi ka na?" tanong ni Xia habang naglalakad kami palabas ng unibersidad.
Tumango ako. "Hindi ako masusundo ni Domino. Wala naman akong ibang pupuntahan kaya uuwi na lang ako."
"Gusto mong samahan kita? Para makabawi rin ako sa 'yo."
Mabilis akong umiling. "Ayos lang, Xia. Hindi mo kailangang bumawi sa akin."
"Pero nakokonsensiya ako. Habang ako kasama si Hunter, mag-isa ka lang."
Bahagya akong ngumiti sa sinabi niya. "Naiintindihan kong concern ka lang sa akin, pero ayos lang naman sa akin kung si Hunter na ang madalas mong nakakasama. He's your boyfriend."
Bakas pa rin sa mukha niya na hindi siya sang-ayon sa sinabi ko, kaya muli akong nagsalita.
"Don't feel guilty if you're always with him. Ang mahalaga, masaya ka."
Tumigil siya sa paglalakad dahil sa
