Dalawampung minuto din ang kanilang ginugol sa pagbibiyahe papunta sa resort na sinasabi nito. Gaya ng kanyang inaasahan ay tila paraiso ang lugar. Di man white sand ay tila nililok naman ang mga bato sa baybayin nito.
Para bang nag aanyaya na magpicture sila sa tabi ng mga iyon, kahanga hanga ang desinyo ng mga iyon. Sa kabilang bahagi naman ay ang nagtatayugang mga puno ng niyog at iilang puno ng palm trees.
Bilang lang ang mga cottage at tila wala pang gaanong tao, o mas tamang sabihin na walang tao ang lugar maliban sa kanilang dalawa.
"Bakit walang tao?" Naisatinig niya ng mapatingin sa lalaki.
"Sarado pa ito sa publiko, di pa kasi tapos ang ibang mga construction ng mga amenities ng lugar." Paliwanag nito sa kanya.
"Hala e bakit mo ako dinala dito? di pa pala ito open sa publi
