Madalas ang naging pagdalaw ng babae sa bahay, sa iilang pagkakataon ay nakikita niya ito na tila pinapagalitan ng babae.
"Kuhanan mo ng video." Sabi niya kaya Tiray. Abala siya sa paggawa ng kanyang lesson plan ng tawagin siya ni Tiray na dumating daw ang babae. Noong nakaraan ay nakita niya ang pasa ni Kelly sa braso, di naman niya nakita ang pananakit nito sa bata kaya di niya nagawang isumbong sa ama ng bata.
"Sige ako ang bahala." Sabi nito.
Pasimple siyang lumapit sa kinaroroonan ng babae at ni Kelly. Halatang nagpipigil ng iyak ang bata sa ginagawa ng babae. Hawak nito sa braso ang bata.
"Mana ka talaga sa ina mong malandi!" Sabi ng babae na halata ang gigil sa boses habang sinasabi iyon sa bata.
"Tita Ellen it hurts na po!" Sabi ng bata na pilit inilalayo ang braso sa babae.
